ЎзТАГ
Ўзбек телеграф агентлиги

Ўзбекистонлик теннисчи Денис Истомин Ноттингемдаги турнирнинг чоракфиналига чиқди

Дата: 14:01, 25-06-2015.

Тошкент. 25 июн. ЎзТАГ – Ўзбекистоннинг биринчи ракеткаси Денис Истомин Ноттингемдаги АТР учинчи доирасида украиналик Сергей Стаховскийни 7:5, 6:4 ҳисобларида енгиб, турнирининг чоракфиналига чиқди, деб хабар беради Ўзбек телеграф агентлиги (ЎзТАГ).

Чоракфиналда Денис аргентиналик спортчи, жаҳоннинг 21-ракеткаси бўлган Леонардо Майер билан беллашади. Айни пайтда мавсумда муваффақиятсиз қатнашаётган Истомин АТР рейтингида 92-ўринда.

Агар Денис Майерни енга олса, яримфинал баҳсида Маркос Багдатис – Симоне Болелли жуфтлиги ғолиби билан кортга тушади.

Эслатиб ўтамизки, Ноттингемнинг очиқ чемпионати – ушбу британ шаҳрида июн ойида чимли кортларда ўтказиладиган профессионал теннис турниридир. 2015 йилдан бери соврин жамғармаси 589 минг евролик эркаклар турнири ATP 250 сериясига киради. Турнирнинг яккалик баҳсларида 48 иштирокчи, жуфтлик мусобақаларида 16 жуфтлик қатнашади.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди