Ўзбекистонлик теннисчи Нигина Абдураимова Катовицедаги турнирнинг биринчи доирасидан ўта олмади
Дата: 12:16, 08-04-2015.
Тошкент. 8 апрел. ЎзТАГ - Ўзбекистонлик теннисчи Нигина Абдураимова Катовицедаги (Польша) WTA сериясига кирувчи турнирнинг биринчи доирасидан ўта олмади, дея хабар беради Ўзбек телеграф агентлиги (ЎзТАГ).
У словакиялик Анна-Каролин Шмидловага 1:6, 6:4 ва 1:6 ҳисобларида ўйинни бой берди.
МДҲнинг бошқа теннисчиларидан россиялик теннисчи қизлар Вера Звонарева италиялик Карин Кнаппни енгиб, Елизавета Куличкова эса польшалик Урсула Радваньскаяни енгиб биринчи доирадан кейинги босқичга ўтдилар.
Маълумот ўрнида, 2014 йилда ушбу турнирда франциялик теннисчи Ализе Корне ғолиб чиққан эди.
Катовиценинг очиқ чемпионати – ушбу шаҳардаги “Сподек” мажмуидаги ёпиқ қаттиқ қопламали кортларда аёллар ортасида ўтказиладиган халқаро теннис турниридир.
