Ўзбекистонлик теннисчи Жўрабек Каримов “Ролан Гаррос”нинг учинчи доирасига чиқди
Дата: 17:49, 02-06-2016.
Тошкент. 2 июн. ЎзТАГ – Ўзбекистонлик теннисчи Жўрабек Каримов Франция Очиқ чемпионати “Ролан Гаррос”нинг учинчи доирасига чиқди, деб хабар беради Ўзбек телеграф агентлиги (ЎзТАГ).
Ўзбекистон Теннис федерациясидан маълум қилишларича, Каримов иккинчи доирада икки партияда исроиллик Ишай Олиэлни 6:7(6), 6:2, 6:2 ҳисобида енгди.
Баҳс 2 соат 21 дақиқа давом этди. Бу орада жаҳон ўсмирлар рейтингида саккизинчи бўлган 17 ёшли Жўрабек етти брейк-пойнт амалга ошириб, учта иккилик хатога йўл қўйди. Ўз навбатида, дунёнинг 58-ракеткаси 16 ёшли Олиэль битта эйс, учта брейк натижалари қайд қилиб, тўп узатишда беш марта адашди.
Париждаги бўлажак чоракфинал баҳсида Жўрабек Каримов канадалик Феликс Ожега қарши майдонга тушади.
