Ўзбекистонлик йўловчиларга Россияга мева ва сабзавотлар олиб кириш таъқиқланди

Тошкент. 21 ноябр. ЎзТАГ – Ўзбекистонлик йўловчиларга Россияга мева ва сабзавотлар олиб кириш таъқиқланди, деб хабар беради Ўзбек телеграф агентлиги (ЎзТАГ).

Ўзбекистон Ташқи ишлар вазирлиги матбуот хизматининг хабар беришича, Россия Федерациясининг Ветеринар ва фитосанитар назорати бўйича федерал хизмати Ўзбекистон томонига расман тасдиқлашича, Ўзбекистондан келаётган йўловчилар багажи ва қўл юкида ўсимлик маҳсулотларини олиб келишга чеклов ўрнатилган.

“Ўзбекистондан келаётган йўловчилар багажи ва қўл юкида Россия Федерацияси учун карантин остидаги маҳсулотларда карантин обектлари мунтазам тарзда аниқланаётгани муносабати билан, Конвенциянинг VII моддаси 1а бандига таянган ҳолда 2012-йил 16-апрелдан эътиборан “Росселхознадзор” томонидан Ўзбекистондан келаётган йўловчилар багажи ва қўл юкида ўсимлик маҳсулотларини Россия Федерациясига олиб келишга вақтинчалик чеклов ўрнатилган”, - дейилади хабарда.

Сурат манбаи: http://xs.uz