Ўзбекистонлик жангчи ТNА жанглари бўйича халқаро турнирнинг яримфиналига чиқди
Дата: 16:57, 25-07-2016.
Тошкент. 25 июл. ЎзТАГ – Ўзбекистонлик жангчи Фарҳод Аҳмаджонов ТNА жанглари бўйича Қозонда бўлиб ўтаётган “TATNEFT-CUP 2016” халқаро турнирининг яримфиналига чиқди, деб хабар беради Ўзбек телеграф агентлиги (ЎзТАГ).
“Чоракфинал босқичида 70 килограммгача вазн тоифасида қатнашаётган ўзбекистонликка голландиялик курашчи Уилльям Диндер қарши келди. Натижада тўрт раунд якунлари бўйича ҳакамлар ғалабани Аҳмаджоновга беришди”, - деб таъкидлашди турнир ташкилотчилари.
Турнирда жами дунёнинг 30 мамлакатидан 48 спортчилар қатнашмоқда.
Эслатиб ўтамизки, ТNА жанглари версияси киокушинкай, муай-тай ва кикбоксингдан ўзлаштирилган фақат зарбали жанг техникасидан фойдаланишни назарда тутади. Жанг тўлиқ контакт услубида олиб борилади.
