Ўзбекистонликлар томонидан сотиб олинган чет эл валютасининг учдан биридан ортиғи онлайн конверсияга тўғри келади

Дата: 12:09, 24-05-2019.

Тошкент. 24 май. ЎзТАГ – Ўзбекистонликлар томонидан сотиб олинган чет эл валютасининг учдан биридан ортиғи онлайн конверсияга тушади, деб хабар беради Ўзбек телеграф агентлиги (ЎзТАГ).

"2018 йил ва 2019 йилнинг 4 ойи учун жисмоний шахслар умумий қиймати $1,2 млрддан ортиқ хорижий валютани сотиб олдилар, улардан $432,3 млн ёки 36% онлайн конверсия қилиш ҳисобига амалга оширилди. Умуман олганда, 2018 йилнинг апрель ойидан 2019 йилнинг апрель ойигача онлайн айирбошлашнинг ойлик улуши 9% дан 63% гача ўсди. Шу билан бирга, сотиб олиш умумий ҳажмида онлайн конверсия улушининг кескин ўсиши 2019 йил январь ойидан буён кузатилмоқда", - дейилади Ўзбекистон Марказий банки матбуот хизмати хабарида.

Матбуот хизмати, шунингдек, мобил иловалар (онлайн конверсия) орқали чет эл валютасини жисмоний шахсларга сотиш учун 2018 йил апрелдан банк хизмати жорий этилди, деб эслатади. Чет эл валютасини сотиб олиш учун масофадан туриб фақат маҳаллий банкда очилган халқаро тўлов картаси, шунингдек, банкнинг тегишли иловасини юклаб олиш имконини берувчи смартфон бўлиши керак.

 

Сурат манбаи: cbu.uz

Янгилик билан ўртоқлашиш: