Ўзбекистонликлар Жасурбек Ибрагимовнинг ўлимини қизғин муҳокама қилмоқдалар

Тошкент. 6 июн. ЎзТАГ – Ўзбекистонликлар Жасурбек Ибрагимовнинг ўлимини қизғин муҳокама қилмоқдалар, деб хабар беради Ўзбек телеграф агентлиги (ЎзТАГ).

“Ҳуқуқни муҳофаза қилиш органларининг бефарқлиги (агар бу ҳол ҳақиқатдан ҳам кузатилган бўлса) энг аввало, мамлакат президентининг қонунийлик кафолати сифатидаги ҳокимиятини обрўсизлантиради. Бу эса жуда ёмон оқибатларга олиб келади. Мамлакатда кузатилаётган улкан ижобий ўзгаришлар баробарида буни бир овоздан жиноят дейиш мумкин”, - деб ёзади Наталья Nuz.uz сайти форумида.

“Эй Яратган эгам! Ўсмирларга нима бўляпти? Бу ёш йигитчани нима учун бунчалик дўппослаш мумкин? Албатта, бу жиноятни олдин обдон тергов қилиш, фақат шундан кейин жабрланувчини урган ёш йигитларга ҳукм чиқариш зарур. Ўз хизмат мавқеидан фойдаланган Исломнинг ота оналарини дипломидан маҳрум қилиш керак. Ҳуқуқни муҳофаза қилиш органларига келсак, уларга сотилмаслиги ва Ўзбекистон келажаги учун ҳормай меҳнат қилишини тилаймиз”, - деб ёзади Феруза Марупова.

“Ушбу жиноят ҳақидаги маълумот бутун юрт бўйлаб тарқалган экан, ҳамма ишнинг нима билан якунланишини кутади. Агар улар ва уларнинг ота оналари очиқ жазоланмас экан, бу ўсиб келаётган ёшлар бундай жиноятлар жазосиз қолар экан, деб тушунишига олиб келади, яъни, бу каби жиноятлар мамлакатнинг барча жойларида содиқ этилиши мумкин. Фикримча, бу каби вояга етмаган жиноятчиларни қатъий қонун олдида жазолаш, улар ва уларнинг ота оналарини фуқароликдан маҳрум қилиш зарур. Балки Жасурбек тирик қолганида мамлакатнинг етакчи олим ва жарроҳи бўлиши бўлар эди”, - деб ёзади яна шу форумда Дима.