Ўзбекистоннинг Беларусдаги элчиси Тошкентдан Минскка жўнаб кетди

Тошкент. 18 апрел. ЎзТАГ – 17-апрел куни Ўзбекистон Республикасининг Беларус Республикасидаги Фавқулодда ва Мухтор Элчиси этиб тайинланган Носиржон Юсупов Тошкент шаҳридан Минск шаҳрига жўнаб кетди, деб хабар беради Ўзбекистон ташқи ишлар вазирлиги матбуот хизмати.

Маълум қилинишича, Н.Юсупов бунга қадар илм-таълим соҳасида фаолият юритган.

Бундан илгари Ўзбекистоннинг Беларусдаги элчиси вазифасини ўриндошлик асосида республиканинг РФдаги ваколатхонаси раҳбари бажариб келар эди.

Эслатиб ўтамизки, Беларусда ҳозирга қадар Ўзбекистоннинг элчихонаси йўқ эди. Холбуки мамлакатлар дипломатик алоқаларни 1993 йилда ўрнатганлар. Беларусь Тошкентда ўз элчихонасини 1994 йил февралда очган.

Сурат манбаи: http://explorerussia.org/minsk-the-capital-of-belarus/