Ўзбекистоннинг биринчи ракеткаси Анқарадаги турнирнинг яримфиналига чиқди
Тошкент. 19 декабр. ЎзТАГ – Ўзбекистонлик теннисчи қиз Оқгул Оманмуродова Анқарадаги ITF сериясидаги халқаро теннис турнирининг яримфиналига чиқди, дея хабар беради Ўзбек телеграф агентлиги (ЎзТАГ).
Республика теннис федерациясидан хабар беришларича, якка баҳсларнинг биринчи доирасида ўзбек спортчиси Франциялик Осиан Додинни, иккинчи доирада эса руминиялик Патриция Мария Тигни 7:5, 7:6 ҳисобларида енгди. Чоракфинал баҳсларида ўзбекистонлик теннисчи қиз бельгиялик спортчи Исалин Бонавентур устидан ғалаба қилиб, яримфиналга чиқди. Бугун бўлиб ўтадиган ушбу учрашувда унинг рақибаси украиналик Юлия Бейгельзимер бўлади.
Эслатиб ўтамизки, профессионал теннисчи Оқгул Оманмуродова Ўзбекистоннинг биринчи ракеткасидир. Жорий йилда спортчи 30 ёшга кирди. Оқгул теннисчи учун деярли баскетболчилар бўйичага эга бўлиб, теннисчининг узунлиги 190 см. Спортчининг асосий натижалари орасида аёллар жуфтлик разрядида икки WTA турнирида ғалаба ва 2010 йилги Осиё ўйинларидаги кумуш соврин бор.
