Ўзбекистоннинг биринчи ракеткаси Бухарестдаги турнирнинг илк раундида муваффақиятсизликка учради
Дата: 12:12, 22-04-2015.
Тошкент. 22 апрел. ЎзТАГ – Ўзбекистоннинг биринчи ракеткаси Денис Истомин Бухарестдаги турнирнинг илк раундида хорват Никола Мектичга 4:6, 3:6 ҳисобларида ютқазиб қўйди, дея хабар беради Ўзбек телеграф агентлиги (ЎзТАГ).
МДҲ спортчилари орасида қозоғистонлик Андрей Голубев ҳам италиялик Симоне Болеллини енга олмади.
Ҳозирча турнирда МДҲдан фақат россиялик Михаил Южный иштирок этмоқда. У эртага, 23 апрелда француз Гаэл Монфис билан беллашади.
Эслатиб ўтамизки, теннис бўйича эркаклар ўртасида Руминиянинг очиқ чемпионати (BRD Năstase Țiriac Trophy) – 1993 йилдан бери Бухарестдаги тупроқли кортоларида ўтказилиб келинадиган халқаро теннис турниридир. Мазкур мусобақа 2012 йилдан бери Франция очиқ чемпионати олдидан апрель ойида ўтказилади.
