ЎзТАГ
Ўзбек телеграф агентлиги

Тошкент, 13:46 | 02 июл

Ўзбекистоннинг биринчи ракеткаси Денис Истомин 2016 йилдаги илк ғалабасини қўлга киритди

Дата: 13:47, 17-03-2016.

Тошкент. 17 март. ЎзТАГ – Ўзбекистоннинг биринчи ракеткаси Денис Истомин Ирвингдаги  (АҚШ) турнирда жаҳон рейтингида 125-ўринни эгаллаб турган австралиялик Жон-Патрик Смит устидан 6:2, 7:5 ҳисобида ғалаба қилди, деб хабар беради Ўзбек телеграф агентлиги (ЎзТАГ).

Ҳозирда ўзбек теннисчиси АТР рейтингининг 73-поғонасида.

Ўзбекистон Теннис федерациясидан маълум қилишларича, спортчиларнинг илк расмий учрашуви 1 соат 24 дақиқа давом этган. Денис уч брейк ва бешта эйс натижалари қайд этиб, тўп узатишда уч карра хатога йўл қўйди. Жон-Патрик эса бир тўпни майдондан чиқариб юбориб, учта иккилик хатога йўл қўйди.

Кейинги раундда ўзбек теннисчиси Лукаш Росол (Чехия) ёхуд Якоб Зюде (ГФР) билан кортга тушади.

Қайд этиш зарурки, Истомин ўтган йил октябридан бери илк маротаба ATP тоифасига кирувчи учрашувни ютиб олди. Ўтган вақт давомида у саккиз бор мағлубиятга учради ва жаҳон рейтингида 19 поғона йўқотди.

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди