Ўзбекистоннинг биринчи ракеткаси Денис Истомин Марракешдаги АТР турниридаги иштирокини бошлайди
Тошкент. 4 апрел. ЎзТАГ – Сешанба, 5 апрел куни, Ўзбекистоннинг биринчи ракеткаси Денис Истомин Марракешдаги (Марокаш, Африка) АТР турнирининг биринчи раундида дунёнинг 257-ракеткаси итальян Лоренцо Жустинога қарши майдонга тушади, деб хабар беради Ўзбек телеграф агентлиги (ЎзТАГ).
Айни пайтда Денис Профессионал теннисчилар уюшмаси рейтингида (АТР) 72-ўринда.
AltBets сайтидаги прогнозга мувофиқ, Истоминнинг ғалаба коэффициенти 1,53, Жустинода эса бу кўрсаткич 2,72га тенг.
Ўйинчиларни солиштирган ҳолда айтиш мумкинки, ўзбек спортчиси итальяндан илк тўпни узатишда аниқлик фоизи, биринчи ва иккинчи узатишданда ютишлар ва субъектив кўрсаткичлар бўйича олдинда, Жустино эса хатогга оз йўл қўяди, брейкпоинтларни яхши амалга ошириб, тўпни қабул қилишда яхшироқ ўйнайди.
Турнир етакчилари орасида дунёнинг 36-ракеткаси португалиялик Жоау Соуза ва 38- ракеткаси испан Гильермо Гарсия-Лопесларни айтиб ўтиш мумкин.
Эслатиб ўтамизки, The Morocco Tennis Tour – Challenger Tour профессионал теннис турнири бўлиб, тупроқли кортларда 2007 йилдан бери ўтказилади.
