Ўзбекистоннинг биринчи ракеткаси Монте-Карлодаги турнирнинг биринчи турида майдонга тушмади

Тошкент. 14 апрел. ЎзТАГ – Ўзбекистоннинг биринчи ракеткаси Денис Истомин Монте-Карлодаги турнир биринчи турида испаниялик Альберт Рамосга қарши майдонга тушмади, дея хабар беради Ўзбек телеграф агентлиги (ЎзТАГ).

Кеча, 13 апрелда у турнир асосий жадвалида бўлиши зарур эди, лекин бугун маълум бўлишича, испаниялик теннисчи ўзининг биринчи ўйинини Истоминга қарши эмас, балки голландиялик Робин Хаасга қарши ўйнаган. Рамос баҳсни осонлик билан 6:1, 6:1 ҳисобларида ютган.

Бундан олдин малака босқичида Истомин икки сетда Италиялик Роберто Маркорни 6:0, 6:1 ҳисоби билан енгганлигини хабар қилинган эди. Иккинчи доирада ўзбек теннисчиси Словакиялик Норберт Гомбос билан баҳсда биринчи сетда 3:4 ҳисобида ўйинни давом эттиришдан бош тортган.

Кейин маълум бўлишича, Истомин турнирнинг энг бахтли омадсизи деган мақомга лойиқ кўрилган.

Одатда, бахтли омадсиз (Lucky loser) деганда – саралаш босқичининг якуний ўйинида мағлубиятга учраб, шундай бўлсада, қатор қўшимча кўрсаткичлар учун турнир асосий сеткасига киритилган спортчи тушунилади.

Кўп эҳтимоли билан, ўзбекистонлик теннисчи энг сўнгги паллада кортга чиқа олмай, унинг ўрнини Хаас эгаллаган.