Ўзбекистоннинг биринчи ракеткаси TEB BNP Paribas Istanbul Cup турнирининг асосий қисмига ўтиш учун дунёнинг 213-ракеткасини енгиши зарур
Дата: 07:31, 19-04-2016.
Тошкент. 19 апрел. ЎзТАГ - Ўзбекистоннинг биринчи ракеткаси Нигина Абдураимова TEB BNP Paribas Istanbul Cup турнирининг асосий қисмига ўтиш учун дунёнинг 213-ракеткаси россиялик Марина Мельниковани енгиши зарур, деб хабар беради Ўзбек телеграф агентлиги (ЎзТАГ).
Нигина (WTA рейтингида 229-ўрин) саралашнинг бошланғич баҳсида 1 соат 57 дақиқада уч сетда жаҳоннинг 190-ракеткаси россиялик Полина Лейкинани 6:2, 0:6, 6:3 ҳисобида енгди.
Энди Абдураимова саралаш ўйинларининг финалида яна бир россиялик спортчи қиз - Марина Мельниковани мағлуб этиши зарур. Россиялик спортчи эса саралаш босқичида туркиялик спортчи Мелис Сезерни енгди (7:6(8), 4:6, 6:1).
Турнирнинг соврин жамғармаси 250 минг доллар.
