Ўзбекистоннинг электротехник корхоналари маҳсулотлар ишлаб чиқаришни 16,6% кўпайтирди

Тошкент. 19 август. ЎзТАГ – 2016 йилнинг биринчи ярмида Ўзбекистоннинг электротехник корхоналари 630,7 млрд сўмлик маҳсулотлар ишлаб чиқариб, ушбу кўрсаткични 16,6% кўпайтирди, деб хабар беради Ўзбек телеграф агентлиги (ЎзТАГ).

“Хусусан, корхоналар томонидан 218,5 млрд сўмлик халқ истеъмоли товарлари ишлаб чиқарилди. Электр чангютгичлар ишлаб чиқариш 2,7 мартага ўсди, 50,8 минг дона кир ювиш машиналари ишлаб чиқарилди. Жами ишлаб чиқарилган маҳсулотларнинг 21,9% экспортга жўнатилди”, – деб таъкидлашди “Ўзэлтехсаноат” АК.

Ишлаб чиқаришни диверсификация қилиш натижасида кейинги 10 йилда маҳсулотлар улуши сезиларли даражада ўзгарди. Агарда 2005 йилда маиший техника улуши 3,7% ташкил этган бўлса, 2015 йилга келиб у 28,9% етди.

Кейинги 5 йилда 25 турдаги янги техникаларни ишлаб чиқариш ўзлаштирилди. Агар 2010 йилда 22,3 млрд сўмлик маиший техника чиқарилган бўлса, 2015 йилда ушбу кўрсаткич 334,8 млрд сўмни ташкил қилди. Натижада ўтган йили ички бозорнинг маҳаллий маиший техника билан қопланиши 40-45% етди.