Ўзбекистоннинг эшкак эшиш бўйича термаси таркиби аниқланди
Дата: 13:55, 25-07-2016.
Тошкент. 25 июл. ЎзТАГ – Ўзбекистон “Rowing & Canoe” федерацияси Рио-де-Жанейродаги ХХХI ёзги Олимпиа ўйинларида иштирок этувчи эшкак эшиш бўйича терма жамоа таркибини эълон қилди, деб хабар беради Ўзбек телеграф агентлиги (ЎзТАГ).
Байдарка ва каноэда эшкак эшиш бўйича Ўзбекистон термаси сафига беш спортчи кирди. Булар Алексей Мочалов, Ольга Умаралиева, Герасим Кочнев, Серик Мирбеков ва Шахбоз Холмурзаевлардир.
Маълумот ўрнида, XXXI ёзги Олимпиа ўйинлари 5-21 август кунлари Рио-де-Жанейрода бўлиб ўтади.
