Ўзбекистоннинг етакчи футбол клуби вице-президенти жаримага тортилди

Тошкент. 1 апрель. ЎзТАГ – Ўзбекистоннинг кўп марталик чемпиони “Бунёдкор” футбол клубининг вице-президенти Бахтиёр Бобоевга нисбатан интизомий жазо қўлланди, дея хабар беради Ўзбек телеграф агентлиги (ЎзТАГ).
Ўзбекистон чемпионатининг “Бунёдкор” ва “Олмалиқ” ўртасидаги 3-тур ўйини якунлангандан кейин “Бунёдкор” футбол клубининг вице-президенти Бахтиёр Бобоев ҳакамнинг ёрдамчиси Хуснуддин Шодмоновни қўпол равишда сўккан ва у томонга баклажкадаги сувни улоқтирган”, - деб таъкидланади Ўзбекистон Профессионал футбол лигаси хабарида.
2014 йилги Футбол бўйича Ўзбекистон ноҳавоскор ва яримпрофессионал футбол клублари ўртасидаги мусобақалар регламентини бузганлик учун Интизомий кодексга биноан (5.53 модда), Бахтиёр Бобаов жаримага тортилди.
Агарда юқоридаги ҳолат такрорланадиган бўлса, янада қаттиқроқ жазо қўлланади, дейилади хабарда.
Айни пайтда ўйин 1:1 ҳисоби билан якунланганлигини эслатиб ўтамиз