Ўзбекистоннинг иккинчи ракеткаси Вроцлавдаги АТР Челленжер турнирининг иккинчи доирасида Ян Герних билан учрашуви ўтмоқда
Тошкент. 19 феврал. ЎзТАГ – Бугун тошкент вақти билан соат 15.00да бошланган Ўзбекистоннинг иккинчи ракеткаси Фарруҳ Дўстов Вроцлавдаги (Польша) АТР Челленжер турнирининг иккинчи доирасида Ян Герних билан учрашуви ўтмоқда, дея хабар беради Ўзбек телеграф агентлиги (ЎзТАГ).
Ҳозир ўзбекистонлик теннисчи жаҳоннинг 118-ракеткасидир ва ушбу турнирда 3-рақам билан иштирок этмоқда. Чех спортчиси эса жаҳон рейтингида 184-ўринда. Ўйин ставкалари чехиялик теннисчи учун 2,15, Дўстов учун 1,63 тарзида қабул қилинмоқда.
Бугунга келиб мусобақадаги энг кучли теннисчи – жаҳоннинг 79- ракеткаси литвалик Ричардас Беранкис бўлиб, кейинги ўрин бельгиялик Стив Дарсисга (115- ракетка) тегишли. Лекин улар ҳали турнирни давом эттирмоқдалар.
Хусусан, С.Дарсис эртага россиялик Константин Кравчук билан учрашади, 15 февралда Бергамодаги АТР турнири финалига етиб борган қозоғистонлик Александр Недовесов эса курашни тарк этди.
