Ўзбекистоннинг хорижий кўргазмалардаги стенди тасдиқланди

Тошкент. 22 май. ЎзТАГ –“Ўзбектуризм” Миллий компаниясининг ишчи гуруҳи Ўзбекистон Миллий стендининг дизайнини тасдиқлади, дея хабар беради Uzbekistan Today сайти.
Масала 21 май куни кўриб чиқилган.
Учрашувда “Ўзбектуризм”МК, “Буюк Ипак йўли” реклама агентлиги раҳбарияти, шунингдек, “Ўзбекистон ҳаво йўллари” ва “Ўзбекистон темир йўллари” компанияларининг вакиллари қитнашганлар.
Йиғилиш 2014 йилнинг иккинчи ярмида хорижий кўргазмаларда тақдим этиладиган стендни тасдиқлаш мақсадларида ўтказилди. Режага кўра, кузда Ўзбекистон TOP RESA (Франция, 23-26 сентябрь), JATA (Япония, 25-28 сентябрь), TTGIncontri (Италия, 9-11 октябрь) ва WTM (Бук Британия, 3-6 ноябрь) каби тўрт йирик хорижий кўргазмада иштирок этади.
Стенд дизайнини тайёлаш учун маҳаллий ва чет эл қурилиш-дизайн компаниялари орасида тендер ўтказилди ва венгер, польяк, латиш, итальян ва япон компанияларидан аризалар олинди.
Қисқа муддатда дизайнерлар Ўзбекистон миллий колорити, қулайлик, мустаҳкамлик ва юқори сифатни акс эттирган ягона стенд макетини тақдим этдилар. Юқоридаги шартларни ҳисобга олган ҳолда ишчи гуруҳ латвиянинг “Lateca” компанияси томонидан тақдим этилган стендни танлади.
Хорижий кўргазмаларда Ўзбекистон Миллий стендида ўз хизматларини йирик маҳаллий туристик компаниялар тақдим этишини қайд этиб ўтамиз.