Ўзбекистоннинг Марказий сайлов комиссияси раисининг янги ўринбосари тайинланди
Дата: 11:34, 24-07-2019.
Тошкент. 24 июль. ЎзТАГ - Ўзбекистоннинг Марказий сайлов комиссияси (МСК) раисининг янги ўринбосари тайинланди, дея хабар беради Ўзбек телеграф агентлиги (ЎзТАГ).
"Адлия вазирининг биринчи ўринбосари лавозимида ишлаган Маҳмуд Истамов Ўзбекистон Республикаси Марказий сайлов комиссияси раисининг ўринбосари этиб сайланди", - дейилади Адлия вазирлиги матбуот хизмати хабарида.
Эслатиб ўтамиз, М.Истамов 2017 йил август ойидан буён Адлия вазирининг биринчи ўринбосари лавозимида ишлаб келган.
Сурат манбаи: minjust.uz
