Ўзбекистоннинг туристик салоҳияти Италияда намойиш этилди
Дата: 15:31, 20-10-2014.
Тошкент. 20 октябр. ЎзТАГ – Ўзбекистон Рим (Италия) шаҳрида бўлиб ўтган TTG Incontri 2014 Халқаро туристик кўргазмасида қатнашди, дея хабар беради Ўзбек телеграф агентлиги (ЎзТАГ).
“Ўзбектуризм” МКдан хабар беришларича, компания стендида республиканинг тарихий ва меъморий обидалари, табиатига доир кўплаб маълумотлар тақдим қилинди. Шунингдек, стендда миллий матолар, халқ ҳунармандчилиги намуналари ҳам намойиш этилди.
Италиядаги TTG Incontri кўргазмаси 1977 йилдан бери ўтказилади. Жорий йилда ушбу тадбирда дунёнинг 130 мамлакатидан келган 2 мингдан ошиқ туристик компаниялар қатнашди.
