Ўзбекистонннинг эркин иқтисодий ҳудудларида $500 млнлик лойиҳалар йўлга қўйилади
Тошкент. 8 феврал. ЎзТАГ – 2016 йилда Ўзбекистонннинг эркин иқтисодий ҳудудларида қиймати $500 млнлик 35 янги инвестиция лойиҳаларини йўлга қўйиш режалаштирилмоқда, деб хабар беради Ўзбек телеграф агентлиги (ЎзТАГ).
“Хусусан, “Ангрен” эркин саноат ҳудудида Long Sheng компанияси шарикли ручкалар ва фломастерлар ишлаб чиқаришни йўлга қўйишни режалаштирмоқда. Шунингдек, бу ерда техник мойлар ва чармни қайта ишлаш, пайвандлаш электродларини тайёрлаш, керамик плиталар, композит арматура ва бошқаларни ишлаб чиқариш бўйича 13та лойиҳа амалга оширилади”, - деб таъкидлашди Иқтисодиёт вазирлигида.
“Навоий” эркин иқтисодий-саноат ҳудудида автомобиль кластери фаолиятини кенгайтириш режалаштирилган. Жумладан, Егае Cable корхонаси автомобиль симлари ишлаб чиқариш ҳажмларини кўпайтиради. UzMinda ўзбек-ҳинд ҚК спидометрлар ва автомобиллар учун хавфсизлик тизимлари ишлаб чиқаришни йўлга қўйиш ниятида. Avtosanoat-Landi Renzo ўзбек-италян ҚК сиқилган табиий газга ўтказиш учун капотости қурилмаларини ишлаб чиқаришни кенгайтиради.
