ЖЧ-2014: Ҳал қилувчи ўйинларга икки кун қолганда Европа 4 вакилини йўқотди, Лотин Америкасида эса – битта ҳам йўқотиш йўқ

Тошкент. 25 июн. ЎзТАГ – Футбол бўйича жаҳон чемпионати гуруҳдаги ҳал қилувчи ўйинларининг иккинчи куни ўтганда Европа 4 вакилини йўқотди, Лотин Америкасида эса – битта ҳам йўқотиш йўқ, дея хабар беради Ўзбек телеграф агентлиги (ЎзТАГ).
«А», «В», «С», «D» гуруҳларидаги жадвални кўздан кечирар эканман, ҳайратдан ёқамни ушлайман. Уч европа монстрлари – Испания-Италия-Англия (Хорватия термасини ҳам қўшган ҳолда) 1/8 финалдан четда қолмоқда.
Қизиғи, 2010 йилги ЖЧда малака босқичидан ҳам ўта олмаган Хорватия, бу йилги мундиалда энг қизиқарли футбол кўрсата олди.
Италиячи? Ушбу жамоа 2010 йилги ЖЧда атига 2 очко жамғариб, «F» гуруҳида охирги ўринни олди ва 1/8 финалга чиқа олмади. Жамоа чўкишни давом этмоқда...
Англия термасига ҳам саволлар бор. Бу терма жамоа 2010 йилги ЖЧда «С» гуруҳидан плей-оффга иккинчи ўрин билан чиққан, лекин 1/8 финалда немислар томонидан 4:1 ҳисобида янчиб ташланган бўлсада, охиригача курашган эди.
2010 ЖЧ триумфатори – Испания термасига ҳеч қандай эътироз йўқ. Айтиш мумкинки, Испания термаси тақлид қилаётган «Барселона» стили энди самарасини йўқотди, Хави эса қариб қолди.
Бугун эса «Е» ва «F» гуруҳларидаги ўйинлар бўлиб ўтади: Аргентина-Нигерия, Босния-Иран, Гондурас-Швейцария ва Эквадор-Франция.
Бугун Европа ва Лотин Америкасидан учтадан вакил курашга тушади. Европанинг бир вакили – Босния плей-оффга ўтиш имкониятларини бутунлай бой берди. Қолган 5 жамоа эса охиригача “ташлашади”.
Бугун ҳар тўрт жамоа плей-оффга чиқиш имкониятига эга бўлган «Е» гуруҳида ашаддий ўйинларга гувоҳ бўламиз.
Бугун аргентиналиклар ва нигерияликлар ўртасида гуруҳда биринчи ўрин учун ашаддий жанг бўлади.
Эртага эса...Келинг, буни эртага кўрсата қолсин.