ЖЧ-2014: Бугун барчани уйқусиз тун кутмоқда, чунки хорватлар мексикаликларни енгишга ҳаракат қиладилар

Тошкент. 23 июн. ЎзТАГ – Бугун барчани уйқусиз тун кутмоқда, чунки хорватлар мексикаликларни енгишга ҳаракат қиладилар, дея хабар беради Ўзбек телеграф агентлиги (ЎзТАГ) футбол бўйича Бразилияда ўтаётган жаҳон чемпионатининг ўн иккинчи куни олдидан.
Бундан 4 соат олдин, Астана вақти билан 22.00да Голландия ва Чили жамолари беллашадилар. Ушбу ўйин ҳам ўта қизиқарли бўлиши кутилмоқда. Хабарингиз бор, худду шу гуруҳда Испания ва Австралия плей-оффга чиқиш имкониятидан маҳрум бўлди.
Айтмоқчи, австралияликлар билан ўйинда сариқ карточка олган Ван Перси бу сафар жамоадошарига ёрдам бера олмайди.
Агар голландлар ютқизиб, гуруҳда иккинчи ўринни оладиган бўлишса, 99,9% эҳтимоли билан плей-оффнинг биринчи ўйинида бразилияликлар билан ўйнайдилар. Бразилия-Хорватия ўйинидаги ҳакамлик сифатини ҳисобга олсак, ҳамма нарса бўлиши мумкин.
Ҳозирда букмекерлар юқоридаги икки жуфтликдан ҳеч бирини афзал кўраётганликлари йўқ: Голландия ғалабаси – 2,51, Чили ғалабаси– 2,80 ва дуранг – 3,50 баҳоланмоқда.
02.00да куннинг энг қизиқарли ўйини – Хорватия-Мексика ўйини бошланади. Ўз навбатида, чемпионат мезбонлари Камерун устидан енгил ғалаба қозонишларини тахмин қилиш мумкин. Гуруҳдаги иккинчи йўлланма эгаси эса ушбу ярим тундаги ўйинда аниқ бўлади.
Қизиғи, мексикаликларни дуранг қониқтирган ҳолда, хорватларга фақат ғалаба керак. Агар хотирласангиз, Болқон жамоаси собиқ мураббий Билич даврида ва ҳозирги Коваче қўл остида ҳам ҳар доим кучли характерга эга жамоа эди. Биринчи ўйиндаги Бразилиядан лойиқ бўлмаган мағлубият уларнинг жаҳлини чиқарди ва кейинги ўйинда улар камерунликларни 4:0 ҳисобида яниб ташладилар. Шу сабабли бугун Олич-Перишич-Манджукич мексикаликларнинг дарвозабон Гильермо Очоа бош кучли мудофаасини ёриб ўтишга ҳаракат қиладилар.
Хуллас, уйқусизликка чидаган барчани ожойиб ўйин, балки драматик учрашув кутмоқда.