ЖЧ-2014: Португалия, Гана, Россия ва Жанубий Корея плей-офф босқичига ўта олмади

Тошкент. 27 июн. ЎзТАГ – Португалия, Гана, Россия ва Жанубий Корея гуруҳ босқичидан ўта олмай, 1/8 финал ортида қолиб кетдилар, дея хабар беради Ўзбек телеграф агентлиги (ЎзТАГ) футбол бўйича Бразилиядаги жаҳон чемпионати ўн бешинчи куни сўнгги ўйинлари ортидан.
Германия-АҚШ, Португалия-Гана, Жанубий Корея-Бельгия ва Россия-Жазоир учрашувларининг ҳисобларини биласиз!
Кейинги босқичга Германия, АҚШ, Бельгия ва Жазоир термалари чиқдилар, ушбу босқичда улар Германия-Алжир ва Бельгия-АҚШ жуфтликларини ҳосил қилдилар.
Келинг, ўйинга қайтайлик.
Немислар, одатдагидай, +5га ўйин кўрсатишди. Улар ўйин давомида америкалик футболчилардан устунлик қилдилар, яхши хужумлар уюштирдилар, битта гол уриб, ғолиб бўлдилар. Хуллас, хаммаси яхши бўлди.
Лекин америкаликлар ҳам бўш келишгани йўқ: мағлубият уларни хафа қилмади. Параллель ўйинда Португалия 4 та жавобсиз тўпни кирита олмади. Шунақаси бўлиб туради, айниқса, жаҳон чемпионатларида.
Бельгия, кутилгани каби, корейсларни енгди. Бу ерда ҳеч қандай изоҳ шарт эмас. Лекин Россия-Жазоир ўйинига келсак, бундан баъзи хулосалар чиқарса бўлади.
Биринчидан, тез гол урадиган, ғалаба қилишни истаган жамоа 45 дақиқалик ўйинда 48 дақиқа хужум қилиши зарур. Россияликларда ана шу нарса етишмади.
Иккинчидан, Капелло яхши мутахассис бўлишига қарамасдан, жамоага ишончи йўқ, деган хулоса қолдирди.
Учинчидан, жамоанинг ўйин учун аниқ режаси йўқлиги маълум бўлиб қолди. Буни ўйинчиларнинг ўзини тутиши ва Капеллонинг ҳаракатларидан сезиш мумкин эди.
Тўртинчидан, РФИ италиялик мураббий билан шартномани узайтириб тўғри қилган. Чунки мураббийни эмас, ўйинчиларни алмаштириш керак! Березуцкий-Игнашевич-Жирков-Кержаков тўртлиги бутун маҳоратини кўрсатиб бўлди. Жаҳон чемпионати Россияда бўлиб ўтадиган 2018 йилгача ҳали вақт бор.
Бешинчидан, агар Коста-Рика, Колумбия, Мексика ўйинига эътибор берилса, бирданига алангани кўрасан. Россия ўйинида ана шу нарса йўқ! Холбуки Россиядаги каби юқоридаги уч жамоада ҳам суперюлдузлар йўқ. Лекин ғалабага беадад интилиш, муваффақият истаги мавжуд!
ЖЧ-2014 гуруҳ босқичи ўйинлари якунларига кўра, 1/8 финалга Америкадан 8 жамоа, Европадан 6 ва Африкадан 2 жамоа чиқди. Осиё эса, афсуски, “дам оляпти”.