Жит кун до бўйича Ўзбекистон жамоаси 12 олтин совринларни қўлга киритди

Тошкент. 3 апрел. ЎзТАГ – Жит кун до бўйича Ўзбекистон жамоаси Бангкокда бўлиб ўтган очиқ чемпионат ва жанговор санъатлар фестивалида 15 совринни қўлга киритди, улардан 12 таси олтин медаллардир, дея хабар беради Ўзбек телеграф агентлиги (ЎзТАГ).

Ўзбекистон Жанговор санъатларни ривожлантириш марказидан хабар қилишларича, бундан ташқари, битта бронза ва бир кумуш медал ҳам қўлга киритилган. Олтин медаллар Гулшода Жумабоева, Сунатилло Асатиллаев, Бобуржон Тоҳиржонов, Санжарбек Рўзибоев, Асадбек Анорбоев ва бошқалар томонидан олинди.

Мусобақалар муай тай, жиужитсу, кикбоксинг, таэквондо, карате, пенчак силат, ушу каби жанговор санъатлар бўйича ўтказилди.

Бугунда жит кун до бўйича спорт секциялари республиканинг деярли барча вилоятларида фаолият юритмоқда. Ҳозирда Ўзбекистонда 5 минг атрофида киши ушбу шарқ яккакураши билан шуғулланмоқда.

Жит кун до хитой тилидан таржима қилганда “тезкор мушт” деган маънони билдиради. Ушбу спорт тури машҳур жанг устаси Брюс Ли томонидан ишлаб чиқилган.

Ўзбекистонда жит кун до федерациясига 2006 йилда 10 даражали белбоғ соҳиби Михаил Ким томонидан асос солинган.