Жорий мавсумда Ўзбекистонда 3,35 млн тоннадан зиёд пахта йиғиб олинди

Тошкент. 22 октябр. ЎзТАГ – Жорий мавсумда Ўзбекистонда 3,35 млн тоннадан зиёд пахта йиғиб олинди, деб хабар беради Ўзбек телеграф агентлиги (ЎзТАГ) Ислом Каримовнинг фермерларга табригига асосланган ҳолда.

“...Йил давомида қишлоқ меҳнаткашларининг ишни тўғри ташкил этиб, юксак сафарбарлик ва уюшқоқлик билан белни қаттиқ боғлаб меҳнат қилгани, моддий-техник таъминот, барча агротехник тадбирларни, хусусан, чеканка ва дефолиацияни ўз вақтида, сифатли ўтказиш масалаларига жиддий эътибор қаратилганини алоҳида қайд этиш зарур. Энг муҳими, етиштирилган пахта ҳосили ғоят қисқа муддатда – 35-40 иш кунида йиғиб-териб олингани, унинг 90% юқори сортларга топширилгани камдан-кам учрайдиган ҳодиса, десак, ҳеч қандай муболаға бўлмайди”, – деб таъкидлади президент.

Давлат раҳарининг сўзларига кўра, ана шундай улкан марраларни эгаллашда кейинги етти йилда соҳага 1627 трлн сўм маблағ йўналтирилгани, бу эса 2 млн гектардан ошиқ ернинг мелиоратив ҳолатини яхшилашга имкон бергани асос бўлди.

Натижада кейинги икки йилда пахта ва ғалла бўйича ҳосилдорлик гектарига ўртача 2-5 центнерга ошди.