Жорий йилнинг биринчи чорагида Ўзбекистонда 448 кичик бизнес субъектлари кўмак олди
Тошкент. 30 апрель. ЎзТАГ – Жорий йилнинг биринчи чорагида ТИФМБ ҳузуридаги Кичик бизнес ва хусусий тадбиркорлик субъектларини қўллаб-қувватлаш жамғармаси 448 тадбиркорлик субъектларига қиймати $207,3 млн бўлган маҳсулотларни экспорт қилишга кўмак берди, дея хабар беради Uzbekistan Today АА Ўзбекистон Республикаси Статистика қўмитаси маълумотларига асосланган ҳолда.
Эслатиб ўтамизки, Кичик бизнес ва хусусий тадбиркорлик субъектларини қўллаб-қувватлаш жамғармаси 2013 йилнинг августида мамлакатдаги энг йирик банк – Ташқи иқтисодий фаолият миллий банки қошида ташкил этилган. Кичик бизнес ва хусусий тадбиркорлик субъектлари жамғарма орқали товар ва хизматларни хорижий валютага олдиндан ҳақ тўламаган, аккредитив очмаган ёки кафолат бермаган ҳолда, 180 кун ичида тушум тушиши ёки қайтадан олиб кириш шартларида экспорт қилиш ҳуқуқига эга. Бунинг учун белгиланган тартибда олинган экспорт шартномасининг ўзи кифоя, деб ёзади нашр.
