Жорий йилнинг декабрида ZTE Ўзбекистонда тўртта янги моделдаги мобил телефонларни ишлаб чиқаришни йўлга қўяди
Дата: 14:39, 25-09-2014.
Тошкент. 25 сентябр. ЎзТАГ – Хитойнинг йирик ZTE компанияси жорий йилнинг декабрида Ўзбекистонда тўртта янги моделдаги мобил телефонларни ишлаб чиқаришни йўлга қўяди, дея хабар беради Ўзбек телеграф агентлиги (ЎзТАГ).
“Янги моделлар Сирдарё вилоятидаги Pengzhong Xingsheng ўзбек-хитой қўшма корхонасининг технологик линиясида йиғилади. Бугунга қадар бу ерда UzTE бренди остида беш моделдаги мобил телефонлар ишлаб чиқарилмоқда. Янги моделларнинг нархи $200-300 орасида бўлади. Янги телефонлар йиғила бошлагандан кейин корхонанинг қуввати йилига 150минг қурилмага етади. Лойиҳага $2 млндан зиёд инвестиция киритилади”, – деди Pengzhong Xingsheng компаниясидаги манба.
