Жорий йилнинг икки ойида “Охангаронцемент” корхонаси маҳсулот ишлаб чиқаришни 30% оширди

Тошкент. 25 март. ЎзТАГ – “Охангаронцемент” компанияси 2014 йилнинг январь-февраль ойлари якунлари бўйича клинкер ва цемент ишлаб чиқаришни 30% кўпайтирди, дея хабар беради Ўзбек телеграф агентлиги (ЎзТАГ).
“Ўтган вақт давомида корхона 151535 тонна клинкер (ўсиш ўтган йилнинг шу даврига нисбатан 10% ёки 13235 тонна кўп) ва 218075 тонна цемент (ўсиш ўтган йилнинг шу даврига нисбатан 30% ёки 50 575 тонна кўп) чиқарди. Айни пайтда ушбу даврда 230321 тонна цемент юкланди, бу эса ўтган йилнинг января-февраль якунларига қараганда 30% (52696 тонна) зиёд. Қадоқланган цемент жўнатиш ҳам 24% (8557 тоннага) ўсди”, - деб қайд этилади корхона матбуот хизмати хабарида.
Истеъмолчилар орасида “ППЦ-400” маркадаги цементга талаб катта. 2014 йилнинг биринчи икки ойи давомида ушбу маркадаги цементдан 99337 тонна юккланди. Бу 2013 йилнинг шу даврига қараганда 2 баравар (133%) кўп. Бугунда ушбу хилдаги цемент уйлар ва тижорат иншоотларини, шунингдек, Тошкент вилоятидаги Қамчиқ довонидаги туннелни қуришда ҳам фаол қўлланилмоқда. Маълумки ушбу йўлдан пойтахт вилоятини Фарғона вилояти билан боғловчи “Ангрен-Поп” темир йўли қурилади.