Ziraat Bank турк банки Ўзбекистондаги UTBANK қўшма банкини сотиб олди ва ребрендинг ўтказди

Тошкент. 4 январ. ЎзТАГ – Ziraat Bank турк банки UTBANK ўзбек-турк қўшма банкининг 100% улушини сотиб олди ва ребрендинг ўтказди, деб хабар беради Ўзбек телеграф агентлиги (ЎзТАГ) банк хабарига асосланган ҳолда.

Ребрендинг ҳақидаги қарор 2017 йил 20 декабрда қабул қилинган бўлиб, 25 декабрда Марказий банк банкнинг янги таҳрирдаги низоми ва янги фирма номини рўйхатдан ўтказди.

Аниқлаштиришича, T.C. Ziraat Bankası A.Ş. турк ширкати банкнинг “Агробанк” ОАТБга тегишли 50% улушини сотиб олган ва ҳозирда молия муассасасининг ягона акционеридир. Битим суммаси аниқлаштирилмаган.

Шундай қилиб, Ziraat Bank Uzbekistan Ўзбекистонда фаолият юритаётган биринчи турк банки ва KDB Bank Uzbekistanдан (Жанубий Корея) сўнг мамлакатдаги иккинчи хорижий банк бўлди.

Эслатиб ўтамизки, UTBANKга 1993 йилда асос солинган бўлиб, у Ўзбекистондаги хориж капиталига ташкил этилган биринчи банк бўлган эди. Банк туркиянинг Т.C. Ziraat Bankasi AS банки ва “Агробанк” ОАТБ томонидан ташкил этилган эди. 2017 йил декабргача  компания акцияларининг 50% “Агробанк”ка, 49,98% – Ziraat Bankка, 0,02% – Ziraat Bank Internationalга тегишли эди.

Сурат манбаи: http://rieltor-ask.ru/dogovor-arendy-kvartiry-vsya-pravda-i-nyuansy/