ЎзЛиДеП фракцияси етакчиси Ўзбекистон президенти танқидига жавоб берди

Тошкент. 20 июл. ЎзТАГ – Ўзбекистон президенти томонидан сиёсий партиялар масалалари бўйича видеоселектор ўтказилганидан ва улар номига айтилган танқиддан кейин Тадбиркорлар ва ишбилармонлар ҳаракати – Ўзбекистон Либераль-демократик партияси (ЎзЛиДеП) фракцияси етакчиси фикрини тарқатди, деб хабар беради Ўзбек телеграф агентлиги (ЎзТАГ).

Унда Олий Мажлис Қонунчилик палатаси спикери Содиқжон Турдиев “Давлат раҳбари маърузасида сиёсий партиялар ва депутатлар фаолиятидаги камчиликларни таҳлил ва фактлар асосида очиб берди. Биз ҳозирда олдингидай ишлаш мутлақо мумкин эмаслигига амин бўлдик. Бу сиёсий партиялар, жумладан ЎзЛиДеПдан бутун кучи билан ҳаракат қилишни талаб қилади. Афсуски, ишбилармонлар, фермерларни қўллаб қувватлаш ишлари етарли даражада эмас. Ҳалқ биздан янги ташаббуслар кутмоқда”, - деб таъкидлади.

“Давлат раҳбари ҳар бир оилада тадбиркорлик уқувларини шакклантиришга, кам ҳосил берувчи пахта ўрнига юқори даромадли экинлар етиштиришга алоҳида эътибор қаратмоқда.  Бу ҳалқ фаровонлигининг ошиши, мамлакат экспорт салоҳиятининг юксалишига хизмат қилади. Бизда бу йўлда самарали ечимларни таклиф қилиш учун ташаббускорлик етмади. Биз танқидий фикрлардан хулоса чиқардик, аниқ узоқ муддатли вазифалар белгиладик”, - дейилади тарқатилган материалда.