Зоминда шахсий компьютерлар учун мониторлар ишлаб чиқариш заводи ишга туширилди
Жиззах. 26 октябр. ЎзТАГ - Зоминда (Ўзбекистоннинг Жиззах вилояти) шахсий компьютерлар учун мониторлар ишлаб чиқариш заводи ишга туширилди, деб хабар беради Ўзбек телеграф агентлиги (ЎзТАГ).
ARTEL ўзбек компанияси сайтида айтилишича, завод машина-трактор парки ҳудудида бошланиб, барча замонавий талабларга жавоб беради. “Қисқа муддатда рақобатбардош маҳаллий маҳсулот ишлаб чиқарилиши йўлга қўйилди”, дейилади хабарда.
Лойиҳа Samsung Electronics ва ARTEL компаниясининг қўшма ишидир.
Завод қурилиши июнда бошланиб, 2015 йил августи охирида якунланган.
“Завод кунига икки сменада ишламоқда, қуввати йилига қиймати 30 млрд сўмлик 200 минг монитор чиқаришга тенг. Бу ерда 150 киши ишлайди. Уларнинг 80% коллеж ва ОТМ битирувчилари”, - деб таъкидлашди компанияда.
2015 йил 19 мартда биз Ўзбекистонга Samsung Electronics компанияси делегацияси келгани, унинг доирасида мониторлар чиқариш лойиҳаси имзолангани ҳақида маълум қилган эдик. Маҳсулотлар Samsung белгиси остида “Ўзбекистонда ишлаб чиқарилган” ёзувида чиқарилиши ҳам айтилган эди.
Зомин - Ўзбекистоннинг Жиззах вилоятидаги шаҳарча бўлиб, шу номли туман маркази. У Даштобод темир йўл станциясидан (Жиззах-Ховост линияси) 20 км жанубда жойлашган.
