ЎзРТХБ илк маротаба полипропилен бўйича биржа савдоларини бошлади
Тошкент. 21 июл. ЎзТАГ – 2016 йилнинг 19 июлдан бошлаб Ўзбек республика товар хом-ашё биржасида (ЎзРТХБ) тарихда илк маротаба полипропиленни сотиш бўйича биржа битимлари тузила бошлади, деб хабар беради Ўзбек телеграф агентлиги (ЎзТАГ).
Биржадан хабар беришларича, янги маҳсулотнинг сотувчиси "Uz-kor gas chemical" МЧЖ қўшма корхонаси ҳисобланади. Бугунги кунда полипропиленни сотиш учун биржа бозорида ҳар бир лот 1 тоннадан иборат 7та шартномалар очилган. Товарни етказиб бериш шарти EXW Устрюрт газ-кимё мажмуаси. Мазкур шартномалар бўйича савдога қўйиш кунлик ҳажмлар 300 тоннани ташкил этади.
Дастлабки савдо натижалари кўра биржада 149 тонна Y130, FR-170H ва FR160 маркали полипропиленлар сотилди. Маҳсулотнинг сотувчилари сифатида Тошкент шаҳри, Самарқанд ва Хоразм вилоятларида жойлашган компаниялар иштирок этишди. Трейдер ва бозор мутахассисларининг фикрича биржада янги маҳсулотнинг пайдо бўлиши бозорда рақобатнинг ривожланишига ўз ҳиссасини қўшади.
Бундан ташқари "Uz-kor gas chemical" МЧЖ ҚҚ биржа бозорида BL6200, FL7000, J2200, MF5000 и BL5200 маркали полиэтиленлар бўйича 5та шартномаларни очди. Эслатиб ўтамиз, 2015 йилда ҚҚ биржа савдоларига суюлтирилган газни қўйишни бошлаган эди.
Маълумот ўрнида, полипропилен бу полиолефин туркумига кирувчи синтетик термопластик полимер ҳисобланади. Полипропилен иқтисодиётнинг барча тармоқларида, шу жумладан электроника, қурилиш, автомобилсозлик, машинасозлик, асбоб-ускуна қуриш, тиббиёт ва бошқа соҳаларда кенг қўлланилади.
