“Ўзбекистон ҳаво йўллари” бортларидаги емаклар энг яхши борт емаклари рўйхатига кирди

Тошкент. 11 сентябр. ЎзТАГ – “Ўзбекистон ҳаво йўллари” бортларидаги емаклар энг яхши борт емаклари рўйхатида еттинчи ўринни эгаллади, деб хабар беради Ўзбек телеграф агентлиги (ЎзТАГ).

Ушбу рейтинг Travel.ru сайти томонидан уюштирилган сўров асосида тузилган.

Хусусан, етакчи учликка рақобатчилардан анча ўзиб кетган Turkish Airlines бошчилик қилмоқда. Кейинги поғоналарда Lufthansa ва россиянинг “Аэрофлот” авиакомпаниялари бормоқдалар.

Тўртинчи ўринда Emirates, 5-да Qatar Airways авиакомпанияси бормоқда.

Рейтингнинг олтинчи поғонасини исроилнинг El Al, франциянинг Air France ва Etihad Airways араб авиакомпанияси, еттинчини British Airways, Austrian Airlines, “Ўзбекистон ҳаво йўллари” ва Air Serbia авиакомпаниялари эгалладилар.