Ўзбекистон экспорт қилганидан кўра деярли бир ярим баравар кўп импорт қилди
Тошкент. 14 сентябр. ЎзТАГ – 2018 йилнинг январ-августи якунлари бўйича Ўзбекистон экспорт қилганидан кўра деярли бир ярим баравар кўп импорт қилди, ўтган муддатда экспорт – $8,6 млрд, импорт – $12,0 млрдни ташкил этди, деб хабар беради Ўзбек телеграф агентлиги (ЎзТАГ).
Ўзбекистон Давлат статистика қўмитаси маълумотларига кўра, Ўзбекистоннинг ташқи савдо айланмаси $20,6 млрдни ташкил қилган ва 2017 йилнинг муқобил даври билан солиштирганда 18,5% кўпайган.
Жорий йилнинг январ-август якунлари бўйича МДҲ мамлакатларининг ташқи савдо айланмасидаги улуши 38,8% ташкил этди, ташқи савдо айланмасининг ўсиши даражаси ўтган йилнинг шу даврига нисбатан 38,6% ташкил қилди. Бошқа мамлакатларнинг улуши 5,6%га камайди ва 61,2%ни ташкил этди.
Ҳисобот даврида экспорт ҳажми $8,6 млрдни ташкил қилди (ўсиш 4,4%). Экспорт таркибида товарларнинг улуши 76,9% етди, бундан энергия ва нефть маҳсулотлари 20,4%, озиқ-овқат маҳсулотлари 8,6%, кимё маҳсулотлари ва ёғоч маҳсулотлари 7,2%, ташкил этди.
Хитой ва Россия Ўзбекистон Республикасининг товар ва хизматлар экспортида энг катта улушга эга. Ушбу мамлакатларнинг умумий экспортдаги улуши 36,5%ни ташкил қилади. Хитой ва Россияга экспорт товарлар таркибига энергия ташувчилар ва нефть маҳсулотлари, кимё маҳсулотлари ва ундан тайёрланган буюмлар, шунингдек, озиқ-овқат маҳсулотлари киради.
Ҳисобот даврида импорт ҳажми $12,0 млрдни (ўсиш 31,2%) ташкил этди. Импорт таркибида машина ва ускуналар (40,1%), кимё маҳсулотлари ва улардан олинадиган маҳсулотлар (13,4%) ва озиқ-овқат маҳсулотлари (9,1%), асосий ўринни эгаллайди.
Эслатиб ўтамизки, 2018 йилнинг январ-июнида Ўзбекистоннинг ташқи савдо айланмаси $17,7 млрдни ташкил этиб, шу жумладан, экспорт $7,8 млрдни, импорт - $9,9 млрдни ташкил қилган эди.
$1=7862,17 сўм
Сурат манбаи: из https://www.apk-news.ru