Ўзбекистон илк марта россияликлар орасида энг кўп сотиб олинаётган йўналишлар рейтингининг етакчиси бўлди

Тошкент. 23 октябр. ЎзТАГ – Ўзбекистон илк марта россияликлар орасида энг кўп сотиб олинаётган йўналишлар рейтингининг етакчиси бўлди, деб хабар беради Ўзбек телеграф агентлиги (ЎзТАГ).

“Туту.ру” таҳлилчилари энг кўп буюртма берилаётган йўналишларни ҳисоблаб чиқдилар. Маълум бўлишича янги йилга Европага чипталар сотиб олиш деярли 20% пасайган. Ўзбекистон илк марта энг кўп сотиб олинаётган йўналишлар рейтингининг етакчиси бўлди”, - дейилади Туризмни ривожлантириш давлат қўмитаси хабарида.

2017 йилда 7 ўринни эгаллаб турган Ўзбекистон илк марта янги йилни кутиб олиш учун энг оммабоп йўналишга айланган. Бу ерга ўтган йилгига қараганда 2 баравар кўп чипталар сотилган.

Рейтингнинг иккинчи ўрнида Германия, учинда эса Чехия бормоқда. Ўтган таътилларда Германия, Чехия ва Молдова рейтингга етакчилик қилишган эди.

“(…) Экспертлар фикрига кўра, статистиканинг бир қисми янги йил таътилида уйига қайтиб кетиб, кейин Россияга қайтувчи муҳожирлар қилишган. Бошқа қисми иссиқ мамлакатга дам олиш, маҳаллий ошхона таомларини татиб кўриш ва Чимён тоғида дам олиш учун бораётган туристлар ташкил қилади”, - деб хулоса қилинади хабарга.

Сурат манбаи: https://ca-news.org