“Ўзбекозиқовқатзаҳира” уюшмаси шахсий ёрдамчи хўжаликларида етиштирилган маҳсулотларни сотиб олиш билан шуғулланади

Тошкент. 6 декабр. ЎзТАГ – “Ўзбекозиқовқатзаҳира” уюшмаси ташкилотлари республика аҳолиси шахсий ёрдамчи хўжаликларида етиштирилган маҳсулотларни сотиб олиш билан шуғулланади, деб хабар беради Ўзбек телеграф агентлиги (ЎзТАГ).

Ушбу масала юзасидан 30 ноябрда президентнинг ПҚ-3418-сонли қарори билан “Ўзбекозиқовқатзахира” уюшмаси ташкилотлари томонидан деҳқон ва шахсий ёрдамчи хўжаликлардан қишлоқ хўжалиги маҳсулотларини харид қилиш тартиби тўғрисидаги низом” тасдиқланди.

Уларнинг шахсий ёрдамчи хўжалик шароитларида етиштириш ҳақида гап кетганда қишлоқ жойларда яшовчи Ўзбекистон фуқароларига мерос қилиб қолдириладиган умрбод эгалик қилиш ҳуқуқи асосида уй-жой қуриш учун берилган участкаларнинг бир қисмидаги томорқа, яъни ер тушунилади. Низом доирасида қишлоқ хўжалиги маҳсулотлари деганда деҳқон ёки шахсий ёрдамчи хўжаликларда етиштирилган сабзавотлар, картошка, полиз маҳсулотлари, мевалар, узум, гуруч, дуккаклилар, мол, қўй ва парранда гўшти тушунилади.

Шунингдек, қишлоқ хўжалиги маҳсулотлари етиштириш билан шуғулланадиган шахсий ёрдамчи хўжаликларига тижорат банкларидан Ўзбекистон МБ қайта молиялаштириш ставкасидан ошмайдиган ставка бўйича ЭКИҲМнинг 100 бараваригача бўлган миқдорда микрокредитлар берилиши мумкин.

1 ЭКИҲМ= 172240 сўм

$1=8096,33 сўм