“Ўзбектуризм” Сингапурга жўнаётган ўзбекистонликларни ёмон экологик вазият ҳақида огоҳлантирди

Тошкент. 29 сентябр. ЎзТАГ – “Ўзбектуризм” миллий компанияси Сингапурга жўнаётган ўзбекистонликларни бу ерда юзага келган ёмон экологик вазият ҳақида огоҳлантирди, деб хабар беради Ўзбек телеграф агентлиги (ЎзТАГ).

“Сингапурда индонезиянинг Суматра ва Калимантан оролларидаги ўрмон ёнғинлари туфайли ёмон экологик вазият юзага келди. Сингапурда ҳавонинг ёнғин зарралари билан ифлосланганлик даражаси жорий йилдаги энг юқори кўрсаткич – PSI шкаласи бўйича 324 пунктга етди. Маълумки, ушбу кўрсаткич 100 даражадан ошса соғлиқ учун ҳавф туғдиради”, - деб таъкидланади “Ўзбектуризм” МК сайтидаги маълумотда.

Маҳаллий метеохизматларнинг тахминларига кўра, ҳаводаги тутун узоқ муддат давомида сақланиб қолиши эҳтимоли бор, деб огоҳлантиради компания.