1 октябрдан бошлаб “Beeline”нинг Ўзбекистондаги абонентлари рақамларни теришнинг янги тартибига ўтадилар
Дата: 18:09, 30-09-2014.
Тошкент. 30 сентябр. ЎзТАГ – 1 октябрдан бошлаб “Beeline”нинг Ўзбекистондаги абонентлари шаҳарлараро ва халқаро алоқага чиқишда рақамларни теришнинг янги тартибига ўтадилар, дея хабар беради Ўзбек телеграф агентлиги (ЎзТАГ) компания матбуот релизига асосланган ҳолда.
1 октябрдан бошлаб Ўзбекистоннинг барча ҳудудларида шаҳарлараро алоқага чиқишда “0” рақами ўрнига “8”, халқаро алоқага чиқишда эса “8-10” ўрнига “00” рақамларини теришга ўтилади. Айни пайтда шаҳарлараро ва халқаро алоқага чиқишда “+” белгисини териш тартиби ўз кучида қолади.
Эслатиб ўтамизки, июл охирига келиб “Beeline”нинг Ўзбекистондаги абонентлари сони 10 млн кишидан ошиқни ташкил этган эди.
