2020 йилда Ўзбекистон қиймати $695 млн. бўлган Тахиятош ИЭС модернизация қилади
Тошкент. 24 март. ЎзТАГ - 2020 йилда Ўзбекистон Қорақалпоғистондаги қиймати $695 млн. бўлган Тахиятош ИЭС модернизация қилади, дея хабар беради Ўзбек телеграф агентлиги (ЎзТАГ).
РИА Новостининг ўзбек ОАВ иқтибос келтирган Қорақалпоғистон иқтисодиёт вазири Кахрамон Сариевга асосланиб тарқатган хабарига кўра, қиймати $695,3 млн бўлган лойиҳа Осиё тараққиёт банкининг $300 млнлик кредити, шунингдек,Ўзбекистон Тикланиш ва тараққиёт жамғармаси ҳамда “Ўзбекэнерго”нинг маблағлари ҳисобига амалга оширилади.
Корхона 2015-2020 йилларда модернизация қилинади.
“Лойиҳа ТИАга мувофиқ, яқин беш йил орасида қуввати 230-280 МВт бўлган икки газбуғ қурилмасини монтаж қилиш ва эски ускунани эксплуатациядан чиқариш режалаштирилган”, - деди Сариев.
Унинг сўзларига кўра, модернизация якунланганидан кейин станция қуввати 730 МВтдан 930 МВтга, чиқарилаётган электрэнергия ҳажми 1,7 бараварга ўсиб, 5,4 млрд кВт/с.га етади. Газбуғ қурилмалари етказиб бериш бўйича тендер йилнинг иккинчи ярмида эълон қилинади.
Маълумот ўрнида, Тахиаятош ИЭСнинг қуввати 730 МВт. Биринчи энергоблок бу ерда 1956 йилда, сўнггиси эса 1967 йилда фойдаланишга топширилган. Электростанция республика шимолий ғарби – Қорақалпоғистон автоном республикаси ва Хоразм вилоятини электр билан таъминлайди. Ҳозирда Ўзбекистон энерготизимида 45 электростанция бўлиб, уларнинг умумий қуввати 12,4 минг МВт. Мамлакатда 56-57 млрд кВт/с. электроэнергия ишлаб чиқариш имконияти мавжуд.
