АҚШ Миллий ҳавфсизлик агентлиги Олландни тинглагани ҳақидаги айбловларни рад этди
Тошкент. 24 июн. ЎзТАГ – АҚШ Миллий ҳавфсизлик агентлиги (МҲА) Франция президенти Франсуа Олланднинг музокараларини тинглагани ҳақидаги айбловларни радъ этди, деб хабар қилади ВВС Рус хизмати.
Оқ уй қошидаги Миллий ҳавфсизлик кенгаши расмий вакили Нед Прайснинг сўзларига кўра, МҲА “президент Олланднинг музокараларини мақсад қилмаган”.
Яқинда МҲА матбуот котиби юқоридаги айбловларни изоҳлашдан бош тортди. “Биз хорижда жосуслик билан шуғулланмаймиз. Бу фақат мамлакат миллий хавфсизлигини таъминлаш билан боғлиқ аниқ ва асосли вазифа мавжуд бўлган ҳоллардагина юз бериши мумкин. Бу оддий фуқароларга ҳам, жаҳон етакчиларига ҳам тегишли”, – деди у.
Куни-кеча WikiLeaks ресурси МҲА Франциянинг юқори мартабали амалдорлари, жумладан, Франсуа Олланд, ундан олдинги мамлакат раҳбарлари – Николя Саркози ва Жак Ширакнинг музокараларини қўлга олганлигини иддао қилувчи хужжатларни ошкор қилди.
