АҚШнинг Ўзбекистондаги элчихонага қўлбола ёнувчи қурилмалар улоқтирилди
Дата: 15:37, 29-09-2015.
Тошкент. 29 сентябр. ЎзТАГ - АҚШнинг Ўзбекистондаги элчихонага қўлбола ёнувчи қурилмалар улоқтирилди, деб хабар беради Ўзбек телеграф агентлиги (ЎзТАГ) америка элчихонаси хабарига асосланган ҳолда.
Ҳодиса кеча тахминан тонгги 7:30 атрофида содир бўлган. Номаълум бир шахс томонидан АҚШнинг Ўзбекистондаги элчихонаси ҳудудига иккита қўлбола ёнувчи ускуна улоқтирилган.
Қурилмалардан бири портлаган, лекин портлаш натижасида ҳеч ким жабр кўрмаган. Элчихона вақтинчалик ишини тўлиқ тўхтатган, лекин кейинчалик ҳавфсизлик чораларини кучайтирган ҳолда ишини давом эттирган.
Дипломатик вакиллик хабарига кўра, элчихона маҳаллий ҳокимият органлари билан ҳамкорликда ҳодиса тафсилотларини ўрганмоқда.
