Давлат статистика қўмитаси вакили валюта либерализацияси инфляцияга катта таъсир қилмаганини маълум қилди
Дата: 17:31, 07-12-2017.
Тошкент. 7 декабр. ЎзТАГ – Ўзбекистонда сентябрда ўтказилган валюта либерализацияси жараёни инфляцияга катта салбий таъсир қилгани йўқ, деб баёнот берди Давлат статистика қўмитаси бошқармаси бошлиғи Ботир Эргашев, деб хабар беради Ўзбек телеграф агентлиги (ЎзТАГ).
У бу баёнотни Тошкентда Халқаро пресс-клубнинг статқўмита фаолиятига бағишланган йиғилишида қилди.
Ботир Эргашев инфляциянинг амалий таъсири нархлар ўсиши эканлигини таъкидлаган ҳолда “аслида ҳар йил бошида мамлакатда нархлар ўсиши кузатилади”, деб айтди.
Пресс-клуб йиғилишида Давлат статистика қўмитаси раисининг биринчи ўринбосари Баҳодир Мирусмонов савол-жавоб жараёнида кутилаётган инфляция даражаси йил охирига бориб 13-14% ташкил этишини таъкидлаб ўтди.
