Денис Истомин аргентиналик Хуан Монакони осонлик билан енгиб, энди украин теннисчиси Сергей Стаховский билан беллашади

Тошкент. 24 июн. ЎзТАГ – Ўзбекистоннинг биринчи ракеткаси Денис Истомин Ноттингемдаги АТР турнирининг иккинчи доирасида аргентиналик Хуан Монакони осонлик билан енгиб (6:1, 6:2), энди 1/8 финалда украин теннисчиси Сергей Стаховский билан беллашади, деб хабар беради Ўзбек телеграф агентлиги (ЎзТАГ).

Шундай қилиб, ўзбекистонлик теннисчи ушбу турнирдаги кучли 16 спортчилар рўйхатига кирди.

Истоминнинг рақиби ҳозирда АТР рейтингида 49-ўринни эгаллаб турибди ва 2008-2010 йилларда қозонган тўрт совринга эга. У ўтган йилги Уимблдондаги турнирда Эрнест Гулбис устидан ғалабадан кейин матбуот анжуманида россиялик журналистларнинг саволларига жавоб беришдан бош тортганлиги билан эсда қолган.

Шу билан бирга, ўзбекистонлик теннисчи ўз мавқеъини мустаҳкамлаши зарур, чунки йил бошидан бери жаҳон рейтингидаги кескин тушиб кетди ва ҳозирда биринчи кучли юзталикдан чиқиб кетиш арафасида (жаҳоннинг 92-ракеткаси).

1/4 финалда Истомин – Стаховский жуфтлиги ғолиби Леонардо Майер – Иржи Весели жуфтлиги ғолиби билан беллашади.

Эслатиб ўтамизки, Ноттингемнинг очиқ чемпионати – ушбу британ шаҳрида июн ойида чимли кортларда ўтказиладиган профессионал теннис турниридир. 2015 йилдан бери соврин жамғармаси 589 минг евролик эркаклар турнири ATP 250 сериясига киради. Турнирнинг яккалик баҳсларида 48 иштирокчи, жуфтлик мусобақаларида 16 жуфтлик қатнашади.