Денис Истомин Shenzhen Openнинг иккинчи доирасига ўта олмади
Дата: 13:35, 29-09-2015.
Тошкент. 29 сентябр. ЎзТАГ – Ўзбекистоннинг биринчи ракеткаси Денис Истомин Shenzhen Openнинг иккинчи доирасига ўта олмади, деб хабар беради Ўзбек телеграф агентлиги (ЎзТАГ).
Бундан бир оз олдин у чех Лукаш Росолга 6:7, 4:6 ҳисобларида енгилди.
Бир оз илгари ЎзТАГ Денис турнирнинг биринчи доирасида жаҳоннинг 80-ракеткаси билан кортга тушгани ҳақида хабар қилган эди.
Эслатиб ўтамизки, теннис бўйича эркаклар ўртасида Шэньчжэн очиқ чемпионати (Shenzhen Open) – профессионал халқаро теннис турнири бўлиб, хитойнинг Шэньчжэн шаҳрида қаттиқ қопламали очиқ кортларда кузда ўтказилади. Соврин жамғармаси $590 минг атрофида бўлган турнир ATP 250 тоифасига киради. Мусобақада яккаликда жами 28 иштирокчи ва 16 жуфтлик қатнашади.
