Футбол бўйича Ўзбекистон ёшлар терма жамоаси Венгрия билан ўйнайди
Дата: 16:40, 07-07-2014.
Тошкент. 7 июл. ЎзТАГ – Футбол бўйича Ўзбекистон ёшлар (U-19) терма жамоаси Тошкентдаги ўқув-машқ йиғинини тугаллаб, Венгрияга учиб кетди, дея хабар беради Ўзбек телеграф агентлиги (ЎзТАГ).
“Будапештда ўзбек ёшлари октябр ойида Мьянмада бўлиб ўтадиган Осиё чемпионати финалига тайёргарликка қаратилган йиғинини давом эттиради. Йиғин давомида Равшан Ҳайдаров шогирдлари Венгрия (U-19) ёшлар терма жамоасига қарши иккита ўртоқлик ўйинини ўтказади. Ҳар иккала ўйин ҳам Будапештдаги “Глобал Спорт” мажмуасида бўлиб ўтади”, - деб таъкидлашди Ўзбекистон Футбол федерацияси матбуот хизматида.
