Футзал бўйича Ўзбекистон термаси Грузияга қарши икки ўртоқлик учрашуви ўтказади
Дата: 10:21, 15-05-2015.
Тошкент. 15 май. ЎзТАГ – Футзал бўйича Ўзбекистон миллий терма жамоаси Грузия термасига қарши икки ўртоқлик учрашуви ўтказади, деб хабар қилади Ўзбек телеграф агентлиги (ЎзТАГ).
“Ушбу ўйинлар жорий йилнинг 26 ва 27 июн кунлари Тошкентда бўлиб ўтади. Улар жамоанинг келаси йил 9-21 февралда Тошкентда бўлиб ўтадиган 2016 йилги Осиё чемпионати финал қисмига тайёргарликнинг биринчи босқичи бўлади. Турнирнинг энг яхши тўрт жамоаси Колумбиядаги жаҳон чемпионати финалида қатнашиш ҳуқуқини оладилар”, – деб таъкидлашди Футбол федерацияси матбуот хизматида.
