Ислом Каримов Афғонистоннинг радикаллашувидан хавотир билдирди
Тошкент. 25 ноябр. ЎзТАГ – Ўзбекистон президенти Ислом Каримов Афғонистоннинг радикаллашувидан хавотир билдирди. Унинг фикрига кўра, ушбу ҳол халқаро коалициянинг ҳарбий контингенти чиқиб кетгандан кейин юз бериши мумкин, деб хабар беради Ўзбек телеграф агентлиги (ЎзТАГ).
Ўзбек етакчисиннг сўзларига кўра, Афғонистондаги тинчликпарвар кучларни олиб чиқиш жараёнларини тезлаштириш кутилмаган натижаларга олиб келиши мумкин.
“Акс натижа, яъни янада таранглик, террористик кучларнинг янада фаоллашиши, фуқаролик урушининг янги босқичи бошланишига олиб келиши мумкин. Бугунда Ироқ ҳудудида бўлаётган воқеаларга олиб келиши ҳам эътимолдан узоқ эмас. Бу ерда эса Қўшма Штатлар ва улар иттифоқчилари кучларини тезда олиб чиқиб кетиш бугун Ироқ ва Сурия ҳудудларида юзага келган ҳолатга олиб келди. Яъни фанатик кучларнинг жуда ҳавфли кенгайиши юз берди. Бугунда ушбу кучлар нафақат ушбу ҳудудларни террорга тутмоқда, балки ўз таъсирини атрофдаги ҳудудларга, - энг аввало, мусулмон дунёсида, - ҳам тарқатмоқда”, – деди Каримов ҚР президенти Нурсултон Назарбоев билан учрашувда.
Унинг фикрига кўра, режалар, шу жумладан, Афғонистон бўйича режалар тез-тез ўзгартирилмоқда.
“Бугунда афғон муаммосининг собиқ президент Карзай томонидан узоқ вақт имзоланмаган ечими варианти янги имкониятлар очмоқда. Маълум бўлишича, АҚШ президенти Афғонистонда қоладиганлар сони 10-12 минг эмас, балки ҳатто 90 минг киши атрофидани ташкил қилиши ҳақида қарор қабул қилган”, – деб таъкидлади Ўзбекистон президенти.
