Ислом Каримов қозоғистонлик ҳамкасбини мақтади
Тошкент. 25 ноябр. ЎзТАГ – Ўзбекистон президенти Ислом Каримов Нурсултон Назарбоевнинг узоқни кўра билиш хусусиятини таъкидлаб ўтди, деб хабар беради Ўзбек телеграф агентлиги (ЎзТАГ) унинг ҚР президенти билан кенгайтирилган таркибдаги учрашувидан кейин.
Оқўрдадаги кенгайтирилган учрашувда чиқиш қилар экан Ислом Каримов 2013 йилда Қозоғистон ва Ўзбекистон ўртасида имзоланган Стратегик ҳамкорлик тўғрисидаги шартномага катта аҳамият бермаганлигини, энди эса, ўз фикрини ўзгартирганлигини тан олди.
“У бугун кечагига қараганда катта аҳамият касб этмоқда ва шунинг ўзи мен учун жуда катта аҳамиятга эга. Йиллар ўтгани сайин донолашиб борадиган кишилар борлиги ҳаммага маълум. Лекин менинг ўйлашимча, Нурсултон Абишевич, сизни алқайдиган бўлсам, ёшлигидан Оллоҳ донолик берадиган кишилар ҳам бор. Айниқса, кишида бу хусусият табиий бўлса, унинг узоқни кўра билиш хусусиятини ва унинг ишончини яна бир бор тан олишга тўғри келади. Чунки биз ўтган йили имзолаган хужжат кейинги йилнинг 1 январидан ўз реал кучига эга бўлмоқда”, – деди ўзбек етакчиси.
Эслатиб ўтамизки, душанба, 24 ноябрда Ўзбекистон Республикаси президенти Ислом Каримов расмий ташриф билан Астанага келган эди.
